وقبل ما نبتدى نشرح اسباب الالحاد لازم نقول يعنى ايه الحاد – الحقيقة ان الالحاد ملوش تعريف محدد نقدر نقوله – بس اقدر اقول ان الالحاد فى وجة نظرى هو هو رفض الاديان و فكرة وجود الاله – و الالحاد هو الاصل فالانسان ودا على عكس ما الناس فاهمة – فالانسان كان ملحد من قدم التاريخ لحد ما اخترع هو بنفسه الاله و ابتدى يعبده – زيه زى اى فكرة اسطورية – كانت محاولة من الانسان البدائى لتفسير ظواهر و اجابة اسئلة كتير مكنش عارفلها اجابة – مثلا – الانسان البدائى شاف الشمس بتشرق و بتغرب – فسأل نفسه ايه بيحرك الشمس أكيد فى قوة بتحركها – يبقى القوة دى اله الشمس – و زيها طلع اله القمر و النجوم و البحر وهكذا و لكن منذ قدم التاريخ و الانسان ملحد – دا مش بس الانسان القديم كان ملحد , الطفل كمان بيتولد ملحد ليس له دين – لغاية ما اهله يقولوله عن الاله و الافكار الدينية اللى الحقيقة بتبوظ عقول الاطفال و بتهدم الطريقة المنطقية عندهم للتفكير لان الطفل قبل ما بنبوظ عقله ونقوله عالدين الطفل بفطرته بيسأل اسئله كتير فحاجات هو شايفها غير منطقية و الحقيقة انك ممكن تاخد وتعرف اهم الاسئلة الالحادية من اسئلة الاطفال . زى . زى هو فين ربنا و مين خلق ربنا و ليه مش بنشوفه و ليه فى مسلمين ومسيحيين و اسئلة تانية كتير و غيرها كتير من الاسئلة