وهم حرية الاختيار – واللى هى اساس و قوام اغلب الاديان

١- الاختيار اى انك سوف تتحمل تبعية اختيارك كنتيجة حتمية لاختيارك ٢- حرية الاختيار اى انك سوف لا تتحمل تبعية لاختيارك كنتيجة حتمية لاختيارك الحر بمعنى : لو جيت عندى البيت و قولتلك تشرب شاى ولا قهوة ، هنا انت حر تختار لانك لا هتقوم تعمل ولا هتدفع ولا هتغسل كبايات ، ودى حرية اختيار

اما لو قلتلك اقعد معايا فالبيت و هعملك اللى تحبه بس لو موافقتش و نزلت هطلع ميتينك ، هنا دا اختيار ، لانك ممكن تختار تنزل و تتحمل اذيتى ،لكن مش حرية اختيار لان خوفك من اللى هعمله فيك هيجبرك تختار انك تقعد معايا فالبيت . ودا بنسميه اختيار مش حرية اختيار ودى فكرة الجنة و النار ، يا تعيش بالتعليمات دى و هدخلك الجنة يا اما لو موافقتش هطلع ميتينك فالنار ، ولذلك فالجنة و النار اختيار وليس حرية اختيار

تانى نقطة : ليس للانسان حرية اختيار ابدا . و دايما بيتهيأله انه بيختار فى حياته امور كتير مع ان الحقيقه انه مجبر في كل شيء . – اول حاجه الانسان بيتولد بطباع بيلوجية موروثة ليس له اى فرصه فى اختيارها . زى نسبة ذكائه المولود بيها , هرموناته , شكله , عضلاته , قدرته الجنسيه , ميوله الجنسي , الغدد اللى هتخليه تخين او رفيع , امراضه , حتى طباعه سواء عصبي او هادى , …..الخ . كل الحاجات دى بقي بتأثر جدا في شخصيته و تكوينه النفسي و تفضيلاته و رفضه وحبه و كرهه للاشياء للاشتراك فى قناة #الاخر | http://goo.gl/7tLx5P – بعد كده بتيجى البيئة المحيطة اللى اتولد فيها . من شخصية ابويه و تفضيلاتهم و كرههم , ثقافة المحيطين بيه المؤثرين فيه , قدرة ابويه المالية , تعليمه , عادات مجتمعه , دينه , طبيعة المناخ سواء حار او بارد , و عوامل كتيييييير جدا . كلهم بيدخلوا فى تكوين شخصيته و ما يحبه و ما يكرهه .و كل الحاجات اللى فاتت دى هى العوامل اللى بتكون اختياره .. ولو لاحظنا ان مفيش حاجه منهم اختارها الانسان رغم انها بتشكل المعايير اللى بيختار بيها . مثال : لو كل واحد فينا بص على لبسه و ليه اختار هدومه دى . هنلاقى ان قدرته الماليه ليها دور فى اختياره ( هيشتري ب 50 جنيه ولا ب 5000 جنيه ) , البيئة المحيطة ( عايش فى اوروبا ولا الصعيد ), ثقافته و معرفته بالموضه , هرموناته و هل يميل للانوثة و هيختار لون روز ولا للذكورة و هيجيب اسود او جراى , و تعليمه ( هيدور على الخامة القطن ولا بولي استر) , ماهو حرام و ما هو حلال فى دينه . وعوامل تانيه كتييييير كلها بتشترك و بتشكل فالنهاية اختياره المزعوم . مع العلم ان ولا حاجه من العوامل اللى احنا اتكلمنا فيها كان للانسان دور في اختيارها ..قناة الأخر على تويتر | http://goo.gl/v76f7s تالت نقطة ، فين حرية الاختيار و الانسان مختارش لا لونه ولا طوله و ميلاده و لا اهله و لا اخواته او حتى والديه و لا ظروفه المادية ولا قدرته الذهنيه ولا قوته ولا بيئته و ثقافتها