النهاردة هنتكلم عن عدم وضوح النصوص الدينية و احتياجها لتفسير ليها وتضاد التفاسير دى

هبتدى كلامى بموقف حصل معايا غريب – مرة فى عيد ميلادى واحدة صاحبتى بعتتلى رسالة بس لقيت كبلمها مش مفهوم – و لقيت انى محتاج عشرة يفسرولى رسالتها – بس لما قعدت معى نفسى افكر لقيت ان فى احتمال من اتنين – اما صاحبتى دى مش عارفه قدراتى و معرفتى و اما تكون الرسالة دى مش مبعوته ليا اصلا .. طبعا اقصد من مثالى ان ازاى الاله دا يتواصل معانا بكلام غير مفهوم لينا ؟؟ فأما هو مش عارف قدراتنا كبشر و اما الرسالة دى مكانتش للبشر اصلا كان باعتها لملايكة ولا حاجه و احنا كابرنا و قولنا عاوزين نفهمها ..

هل يعقل اصلا ان اله بالقدرات دى يتواصل معانا بالشكل دا ؟؟ بكتب مكتوب من الفين سنه تقريبا ؟؟ كمان فى الفاظ كتير فى كل اللغات بتتفهم باكتر من معنى ,ازاى الله يتواصل معانا بلغة الفاظها تحمل اكتر من معنى ؟؟ كمان اللغة دى اللى تواصل الله معانا بيها – هى اصلا من اختراع الانسان و دا هنحكى عليه فحلقة تعارض الدين مع العلم ..

خصوصاً ان لو الاله دا موجود كان يقدر يتواصل معانا بطرق افضل من كدا بكتير .. يعنى بدل ما الله شق بحر و ووقف الشمس وعمل طوفان وكل دا .. كان فيها ايه لو الله كان عمل الكتب المقدسة بلغة سحرية اى حد يقراها من اى لغه او اى عصر يقدر يفهمها او حتى كا ن حط لينا الدين زى سوفت وير فهع قولنا نتولد بيه و نكون عارفينه زى ما احنا بنتولد عارفين نعمل بيبي و عارفين ننام و غيرها