من أسباب إلحادى - رمضان 2015 - الحلقة 14 - رجال الدين | 14 Episode
النهاردة هنتكلم عن رجال الدين و سوء اخلاقهم و استخدامهم للسلطة
زى ما قلنا فالحلقات اللى فاتت – ان ازاى الله يتواصل معانا بالطريقة دى و بكتب غير مفهومة كمان الله لما جه يختار ناس علشان يتواصل معانا من خلالهم – اختار ناس فى غاية السوءطبعاً انا مش بقول ان طالما رجل دين فاسد يبقى الدين فاسد .. انا بقول انك لما تلاقى رجال الدين بالسوء الاخلاقى دا و الصفات السيئة دى يبقى كدا اكيد فى حاجه غلط ازاى الناس دى اللى المفروض يكونوا من افضل الناس ، اما لانهم تواصلوا مع الله مباشرة كالانبياء او لانهم مغروسين فى تعاليم الدين زى الشيوخ و الكهنة و الاحبار و غيرهم يكونوا بالسوء الاخلاقى دا – وناس تانى متعرفش حاجه عن الاديان و مع ذلك كانت ارقى و افضل بكتيير من اخلاقهم و قدروا يفيدوا المجتمع فعلياَ اما بالعلم او بالفلسفة بفايدة نقدر كلنا نلمسها ازاى لا معاملة الله المباشرة معاهم و لاكلامه و تعاليمه اثر فيهم بالايجاب ؟؟ و طالما لا معاملة الله المباشرة معاهم و لا كلامه وتعاليمه ليهم اثرت بالايجاب بعد كل الفترة دى اللى هى حوالى 4000 سنة – امال ليه مستنى لسه نتيجة من التعاليم دى ؟؟ نحكى بقى عن سوء الاخلاق الموجود عند رجال الدين : عندنا امثلة كتيير جدا عن رجال الله اللى هما المفروض ناس الصالحين ، – يعتبر مفيش فيهم واحد معملش مصيبة مثال ابراهيم اللى كدب و ساب مراته ياخدها الملك علشان يحافظ على حياته ويعقوب الغشاش اللى غش ابوه و اخد البكورية و غش خماه و سرقه و زى داود اللى اخد واحدة متجوزه و موت جوزها لما وداه الحرب و سليمان اللى اتجوز اكتر من 1000 زوجة وجارية موسى اللى قتل وكان بيعاقب الشعب و معاقبش اهله و يشوع اللى حارب مدن و حرقها و قتل كل ما فيها لدرجة انه قتل الحيوانات و حرق الزرع و محمد اللى قتل و سبى ناس كتير و اشهرهم يهود بنى قريظة و و الخلفاء الراشدين اللى ايدهم كلهم ملوثة بالدماء بل و بدماء بعضهم البعض و باباوات الكنيسه فالعصور المظلمة و قتلهم للعلماء و الفلاسفة و كل من يخالفهم الرأى … – مروراً بفضايح الشيوخ و الكهنة اللى بنسمعها يومياً هل انت كشخص طبيعى شايف ان دى اخلاق كويسه ؟؟ طيب نجى بقى عن تزاوج السلطة و رجال الدين – طبعا اشهر الامثلة فى زمانا زى ما شفنا ان لما يحصل ثورة عالحاكم تلاقى رجال الدين يقولولك ان الخروج عالحاكم حرام و لما الشعب يثور برضوا تلاقى نفس الشيوخ هما هما اللى بيتنافسوا عالحكم و ادينا شفنا الاخوان و السلفيين و غيرهم والموضوع مش مع رجال الاديان الابراهيمية بس