هنحكى النهاردة عن تضاد الدين و بعضه الدين مليان اخطاء فلسفية و منطقية و علمية و تاريخية و و كل صفحات الملحدين ليل نهار بتكتب عن الاخطاء دى وطبعا مستحيل اعرض كل الاخطاء فى حلقة واحدة بس بالنسبة للاخطاء العلمية –
هبقى اعرض جزء منها فالحلقة الخاصة بيها لكن انا هتكلم النهاردة عن الاخطاء التى لا تغتفر ابدا للدين وهى الاخطاء اللى بتتعلق بالمنطق – لانها بتدمر عقل الانسان و بتخليه انسان غير منقطى . زى ايه – الدين بيدينى الشىء و عكسه على انهم حاجه واحده – و بيطالب من عقلى انه يقبل الشىء و نقيضه على انهم حاجه واحده
يعنى مثلا – بتقول بعض الاديان ان يوم عند الله كألف سنة و الف سنه كيوم يعنى ايه الكلام دا ؟ كأنى بقولك ان دينار كويتى واحد يساوى عشرين جنيه مصرى و العشرين دينار كويتى بيساوو جنيه عندنا ؟؟؟ اللى هو يعنى ايه ؟ انتوا ازاى تقولوا كدا و تعلموه لاطفال صغيرين – انتوا بتدمروا عقلهم تماما مثال تانى – لو احد بيحب الله جداً و ملتزم بالطقوس و العبادات و شكلها – يعنى بيصوم و يصلى و كله تمام – شخص صالح زى ما بتقول عليه الاديان . لو الراجل دا كان ناجح فى شغله – يقولوا لانه الله مباركله و تلاقى ايه فالمسيحية بتقول – كان الرب مع يوسف فكان رجل ناجح
– طيب لو نفس الشخص هو هو بنفس صلاحه و ايمانه لو فاشل فى شغله تلاقيهم بيقولوا ان المؤمن مصاب و من يحبه الرب يؤدبه و يمحصكم كالذب … الخ طب انا دلوقتى افهم ايه ؟؟ يعنى لو انا عبدت الله و حبيته و امنت بيه – هبقى ناجح ولا فاشل ؟؟؟ دا مش كدا بس – دا حتى فى تعريف الخير و الشر – تلاقى المؤمن عنده تعرف الخيروالشر زئبقى ملوش معنى و عاوز يخلينى اقبل فكرة ان الشر و الخير حاجه واحده يعنى واحد ماشى فالشارع خبطته عربيه – شر اهه – تلاقى المؤمن يقولك دا خير او ربنا فداه من مصيبة اكبر .. طب الراجل دا راح المستشفى و على سرير الموت تلاقى الناس بتصلى ان ربنا يعمل معاه خير و يقوم بالسلامة – طيب ربنا معملش معاه خير و مات – تلاقى نفس المؤمن يقولك دا خير ليه و انه راح عند الله او راح الجنة وانه استريح ان دا احسن ليه طب لو هو الخير انه يموت كنتوا بتصلوله ليه يعيش ؟؟ لو الموت خير يبقى الناس ليه ميصلوش انهم يموتوا ؟؟حاجه كمان بس دى تخص المسيحية – فالمسيحية لا طلاق إلا لعلة الزنا – و تلاقى نص تانى يقولك إِنَّ كُلَّ مَنْ يَنْظُرُ إِلَى امْرَأَةٍ لِيَشْتَهِيَهَا، فَقَدْ زَنَى بِهَا فِي قَلْبِهِ. كلمة زنا فالنص الاول هى هى نفس كلمة زنا فالنص التانى – ودا بمراجعتها باللغة الاصلية المكتوب بيها الانجيل – طب افهم من كدا ان اى راجل بص لواحدة و اشتهاها بقى زانى – يقولولك اه – طب يبقى كدا من حق كل واحدة مسيحية جوزها بص على واحدة انها تتطلق – اعتقد كدا كل السيدات المسيحيات ليهم حق طلاق طبعا انا اديت امثلة بسيطة جدا عن الاخطاء المنطقيه واللى هى موضوع حلقتنا النهاردة
