النهاردة هنحكى عن نقطة تخص منطقية فكرة الاله و هى بتقول ان تداخل الله فى الحياة جعلة ظالم و عدم تداخله فالحياه يجعله بلا قيمة
بتدعى الاديان ان ف اله و ان من صفاته العدل و احنا هبتدى كلامى بكام قصة و عايزك تقولى رايك لو انا وانت زرعنا زرعة – و انا كل يوم اقوم من الفجر و اروح اروى زرعتى و حطلها سماد و اهتم بيها – وانت نايم فالبيت .. و انت صليت – هل الله يخليك تحصد قدى ؟؟ اكيد لأ — ولو الله استجاب لصلاتك هيبقى ظالم لانه ساواك بيا طب انا انت رايحين نقدم على وظيفة والوظيفة دى محتاجه مؤهل معين – و انا مجهز نفسى للانترفيو و معايا شهاداتى اللى من ضمها المؤهل المطلوب – وانت مش معاك المؤهل اللى مطلوب فالوظيفة – و انت صليت – ينفع الله يخليك تتقبل وانا لأ ؟؟ اكيد لأ — ولو الله استجاب لصلاتك هيبقى ظالم لانه ساواك بيا رغم انك لا تستحقطب انا وانت كنا راكبين مركب و المركب دى حصلها مشكلة و هتغرق – وانا بعرف اعوم كويس جداً وانت مبتعرفش تعوم – وانت صليت – هل الله هينجيك انت وانا لأ ؟؟ اكيد لأ – ولو الله استجاب لصلاتك هيبقى ظالم لانه ساواك بيا رغم انك لا تستحقطب انا وانت بنعدى شارع العربيات فيه بتجرى بسرعه – وانا بصيت يمين و شمال كويس قبل ما اعدى الطريق و انا مبصتش خالص و صليت – ينفع انت تعدى بسلام انا لأ ؟ اكيد لأ — ولو الله استجاب لصلاتك هيبقى ظالم لانه ساواك بيا رغم انك لا تستحقملخص الكلام – ان من زرع يحصد – من يجتهد يجد- امال ايه بقى لازمة الصلاة ؟؟اذا كان لو الله استجاب لصلاتك برغم ان لا تستحق – يصبح ظالم – يبقى ايه لازمة الصلاه و الدعاء ؟؟ليه بتصلى و تقوله يا رب نجحنى ؟ لو نجحك و اداك اكتر ما تستحق – اصبح اله ظالم لان ساواك بواحد تعب ليه بتصلى ربنا ياخد باله منك انت بتعدى الطريق ؟؟ وليه بتصلى انه يبعتلك شغل و ليه بتصلى انك تحصد كويس ؟؟ للتوضيح – فى طوائف فالمسيحية بتقسم الصلاه لنوعين – صلاة شكر او تسبيح – ودى انك تقعد تشكر لله و تمدح فى صفاته الجميله – ودى متهمناش دلوقتىوصلاة طلبه و دى موضوع حلقتنا و اللى بنتناقش فيها انت بتصلى ليه ؟؟ طالما الله لو استجاب بقى اله ظالم و لو الله مش ظالم و اله عادل يبقى مش هيستجيب ضحكوا علينا و قالولنا ان الله بيستجيب للانسان ب3 طرق يا يقولك حاضر و يديك اللى انت عاوزه يا يقولك لا استنى شوية يا يقلك لا لانه مش فمصلحتك