هنحكى النهارد عن الطبيعة الناقصة مع ان الله كما يدعون فى حاجه بتقول ان لا يخرج من الكامل إلا – علشان تقول على حد انه كامل – يبقى لا يخرج منه ألا الكامل – يعنى لو افترضنا ان فى حد عنده كمال الصدق – مينفعش الشخص دا يكدب لانه كامل الصدق – لو افترضنا ان فى حد عنده كمال الحب – مينفعش يأذى انسان تانى – فلو افترضنا ان فى حد كامل – يبقى مش هيخرج من الكامل دا إلا الكامل لما بنشوف الطبيعه و نشوف جمالها فبنشعر بنشوة و و نقعد نحكى عن قد ايه الخالق دا مبدع و صور الطبيعه و الانسان بالشكل الجميل دا و نحكى عن قدرته الخارقه – لكن الحقيقة المشكلة بتقابلنا لما نبص على الجانب السلبى للصورة – ونلاقى طفل مولود اعمى او معاق – او نلاقى طفل مولود من غير اطراف او حيوان مولود بعيب خلقى او حتى نشوف انسان بيمرض – فتلاقى نفسك بتسأل ازاى الانسان او الحيوان دا يتولد فيه قصور بالشكل دا ؟؟؟ ازاى الله الكامل يصنع انسان او حيوان ناقص ؟؟ تيجى تبص عالاديان تلاقيها ليل نهار تحكى عن كمال الخالق – طب ازاى الخالق دا يخلق حاجه ناقصة ؟؟دا كمان فى اديان زى المسيحية بتقول ان الله خلق الانسان على صورته – طب ازاى خلق الانسان اللى مولود من غير اطراف على صورته ؟؟ دا فى امراض لما تسمع عنها تلاقىها حاجه غريبه – اسف انى هقول الكلام المؤلم دا : مثلا فى مرض زى الجدرى كدا بييجى للاطفال الرضع اللى من 3 لحد 6 شهور نتيجة ضعف جهاز المناعه عندهم – والمرض دا بيعمل طفح جلدى كداو التهاب فالجلد لدرجة ان الام متقدرش تغير لطفلها او تشيل البامبرز مثلاً من على جلد طفلها لانها لو شالته البامبرز هيطلع بجلد الطفل و طبعا متصورين قد ايه هتكون ألااام الطفل دا لو حد سحب جلده – اكيد قلبك وجعك من تصور الفكرة نفسها فى طفل رضيع – لكن ازاى انت قلبك وجعك و الله دا متوجعش ؟ ازاى انت قلبك يكون احن على الطفل دا من الاله القاسى السادى دا ؟؟ – فتسأل نفسك بقى – ايه مصلحة الاله دا انه يعذب الاطفال الرضع دول ؟؟ ازاى الاله دا يتبسط من صراخ الرضع دول ؟؟ ايه ذنب الاطفال دى ؟؟و ازاى الاله اللى بتقوله عليه كامل دا يخلق حاجه ناقصة بالشكل دا ؟؟ ترجع تسأل نفسك 100 مره – ازاى الاله الكامل يخرج منه كل النواقص دى ؟؟!!!وطبعاً الاجابه متروكة ليكم