النهاردة هنحكى عن فكرة مهمة جدا اسمها السببية ، وعلشان نتكلم عن فكرة السببية – لازم نراجع كام فكرة قلناهم قبل كدا – لانهم مرتبطين بفكرة السببية جداقلنا فحلقة قبل كدا مثال
انى لو ماشى معاك فالشارع و حصل برق وسألتك عارف سبب البرق ايه قو قولتلى لا – فقلتلك ان خالتى زمان كان بتعمل حلة ملوخية و غطا الحلة وقع عمل البرق – هل هتصدقنى – اكيد لاً لان عدم معرفتك ميدينيش الحق انى اقولك تفسير بمزاجى بلا و لذلك ارقى اشرف ليك انك تقول مش عارف – بدل ما دليل تصدق كلامى اللى بلا دليل دى كدا فكرة واحد طيب –فكرة اتنين – قولنا قبل كدا عن فكرة اله الفراغات و وقولنا ان دا كلام مش مظبوط لانه بيجاوب على اى سؤال ان المؤمن بيقول ان الله هو السبب الاولى مش عارفه و يحط فكرة الله و خلاصتالت حاجه –ان من البديهى ان عقلك ميقبلش فكرتين عكس بعض – من الطبيعى انه يشوف ان فى مشكلة لو حد قاله كدايعنى مينفعش اقولك امشى يمين و شمال فى نفس اللحظة . تمام من المنطلق دا هقولك على طريقتين فالتفكير عكس بعض و اختار واحده منهم تفكر بيها ومينفعش طبعا تجمع بين الفكرتين اما ان لكل نتيجة سبب و اما فى نتيجة بلا سبب يعنى لو صحيت لقيت فى ازازة مايه على الترابيزة – اما تقول بفكرة ان طالما ازازة الماية دى هنا اذن لازم يكون فى سبب جابها هنا وطبعا دى الطريقة المنطقية فالتفكير و بنسميها السببية و اما تقول ان ازازة الماية دى جات هنا بلا سبب ركز معايا بقى كدا علشان الموضوع دا مهم جدا و عايز دماغك فيه تعالوا نطبق فكرة السببية على موضوع الله تلاقى المؤمن بيستدل بأن طالما الانسان موجود يبقى فى سبب اوجده – ودا كلام منطقى اكيد فى سبب اوجده حسب رأى العلم و مش مهم لو اختلفت معايا فاللى هقوله هنا لان مش دى الفكرة المقصودة فالنقاشان الانسان اتوجد من كائن وحيد الخليه ودا هشرحه بالتفصيل فى حلقة تضاد الدين و العلم ووحيد الخليه اتوجد من غبار كونى او بقايا نجوم يعنى و الغبار الكونى اتوجد من البج بانج ويهمنى ان فى سبب عمل سبب عمل سبب وهكذاطبعا فكرة اله الفراغات زى ما قلنا – انها مش صح انى احط كلمة الله او اله بدون دليل فى اى فراغ معرفى – ومع ذلك تعالوا نمشى ورا الفكرة للاخريعنى : زمان مكناش نعرف ان الانسان اتوجد من كائن وحيد الخليه ووحيد الخليه اتوجد من غبار كونى او بقايا نجوم و الغبار الكونى اتوجد من البج بانج او الانفجار العظيم مين اللى اوجد البج بانج – مش عارفين بيقولوا الله
