النهاردة هنتكلم فى فكرة عدم وجود دليل قاطع على وجود الله وقبل ما احى عن عدم وجود دليل قاطع احب احكى عن فكرة عبء الاثبات وهى معناها – مين اللى ملزم يثبت ؟
و الفكرة دى موجوده فالقانون و اخدها القانون من علم القانون بيقول – على المدعىء عبء الاثبات او بشكل تانى البينة على من ادعى ودى معناها ان اللى يقول على حاجه يثبتها – يعنى لو انا قلت ان فى براد شاى بيدور حول كوكب المريخ – المفروض انا اللى اثبتلك دا و اقولك انه بيدور فى مدار كام و امتى و شفته بأيه و تقدر تشوف بنفسك ازاى لو تحب لكن مش مطلوب منك انك تاخد سفينة فضاء و تطلع تدور حالين كوكب المريخ علشان تقولى ان مفيش براد شاى و عملياً لو انا قلتلك دلوقتى انك لازم تنزل من بيتك حالاً – لان فى تنيين غير مرئى هيقابل صاحبته عندك فالبيت و من فضلك لازم تفضى البيت – هل مطالب انت انك تسمع كلامى ؟؟ اكيد لأ – و هتقولى ايه دليلك على كلامك دا ؟؟لانى قولت كلام – او ادعيت ادعاء ما – فا انا اللى مسئول من هنا – بنلاقى ان الاديان ادعت ان فى حاجه موجوده اسمها اله و له صفات خلق و غيره اذن – على من ادعى شىء فعليه اثباته – فملزمة الاديان و المؤمنين انهم يجيبوا دليل على كلامهم ..بل اكتر من كدا – انا لو قولتلك شىء بلا دليل – فانت ترفضه بدون حتى تقديم دليل نفى – لانه اصلا بلا دليل ..ومش معنى انى معيش دليل ضد – انى اصدق كلامك – لان كلامك هيفضل بلا دليل المفروض تثبت انت كلامك او ادعاءك اقولك مثال – لو انا وانت كنا ماشيين فالشارع و حصل برق ، و سألتك تعرف سبب البرق ايه ؟ قولتلى لأ فقولتلك اصل خالتى زمان كانت بتعمل حلة ملوخية و غطا الحلة وقع فعمل برق . هتصدقنى ؟؟ اكيد لأ لأ دى تعنى ايه ؟؟ تعنى ان : مش معنى انك مش عارف سبب البرق ايه . انك تقبل تفسيرى بدون دليل وبتطبيق الكلام دا على الكون و وجود الانسان لو سألتنى الانسان جه منين (بفرض ان العلم مقالش او العلم بايظ و دا فرض جدلى طبعا) – فقلتلك مش عارف .هل مطالب انا انى اصدق تفسيرك ان فى حاجه اسمها الله و خلقت الكون و الانسان بدون دليل ؟؟ اكيد لأ مطالب انت انك تثبت تفسيرك ان فى حاجه اسمها الله و خلقت و هيكون اكرم و ارقى ليا انى اقول معرفش بدل ما اصدق حاجه من وحى خيالك اسمها الله و خلقت دون دليل لاننا لو قبلنا اننا نصدق كلام بلا دليل – خلاص – لو قلتلك ان فى حاجه اسمها لاكى دانسر الطائر و بروحه الخالده خلقك و خلق الكون – مطلوب منك انك تصدق كلامى و انت ليه رفضت كلامى اللى بلا دليل انى خلقت الكون ، و مرفضتش كلام الدين اللى بيقول ان الله موجود بلا دليل و مش معنى انى مش معايا دليل نفى لدليلك – انك تبقى صح يعنى الناس اللى بتقول للملحدين ايه دليلك ان الله موجود؟ لو مش معاك دليل نفى يبقى الله موجود – لانى ببساطة هرد عليك و اقولك بنفس المنطق – معاك دليل نفى ان امنا الغولة مش موجوده ؟؟ هتقولى لأ – هقولك يبقى امنا الغولة موجوده ابو رجل مسلوخه – لاكى دانسر الطائر