هنحى النهاردة عن موضوع من اكبر المواضيع اللى بتسبب مشكلة للاديان ، هنحكى عن الشر و الالم و الكوارث الطبيعية
طبعا تعريف المؤمن للخير و الشر تعريف زئبقى زى ما قلنا وقلنا ان كل شر هو خير فى نظر المؤمن – يعنى مثلا زى ما قلنا ان لو فى واحد رجله اتكسرت يقولك دا خير و ان ربنا فداه من شر اكبر- يتخبط بعربية و يموت يقولك دا خير ليه و انه راح عند الله و استريح – مع ان المفروض ان الشر هو كل ما يؤذى الانسان سواء اذى جسدى او نفسي . والخير هو كل ما يحقق مصلحة للانسان سواء جسديه او نفسيه بس اللى مخلى المؤمنين مزنوقين و مش قادرين يقولوا تفسير للشر , لانه لو قال الشر هو كل ما يؤذى الانسان سواء اذى جسدى او نفسي . هيقع فمشاكل كتير , و بيعملوا كدا كمان علشان يبرأو ساحه الاله من الشر و انه شرير علشان خلق الشر و هنا بينطبق عليهم كلام الكاتب العظيم عبدالله القصيمى لما قال – يكذبون لكى يروا الاله جميلاً ومن المشاكل اللى هيقع فيها المؤمن لو اعطى تفسير للشر اولها – من اوجد الشر وتانى حاجه – ليه الكوارث الطبيعية تالت حاجه اين حمايه الله من الشر هنحكى فى نقطة واحد – من الذى خلق الشر او اوجد الشر ؟ فى ناس تقول ان الله مخلقش الشر و ان الشر هو غياب الخير وان الخير هو المقابل الشر يعنى الشر عكس الخير والحقيقة ان الخير مش غيابه الشر – الخير فعل مختص بذاته و الشر فعل مخص بذاته وفى نقطة وسطية لا خير ولا شر وفى امثله كتيره على دا ركزوا بقى فى فعل الخير و فى فعل الشر ..لو واحد بياكل و اديتله اكل ، ابقى عملت خير ، ولو مديتولش اكل ابقى معملتش خير ولا شر ، ولو حطيتله سم فالاكل يبقى عملت شر ، ولو محطتلوش سم فى اكله يبقى لا عملت خير ولا شر .الخير فعل مستقل بذاته و الشر فعل مستقل بذاته لو اديت واحد مايه يبقى عملت خير لو مديتوش انا معملتش لا خير ولا شر لو ضربته يبقى عملت شر لو مضربتوش يبقى لا عملت خير ولا شرلو واحد شغال فالبورصة لو اديته معلومة تكسبه فلوس يبقى عملت خير لو مدتلوش المعلومة يبقى انا لا عملت خير ولا شر لو ضللته بمعلومة تخسره يبى عملت شر مضللتوش يبقى لا عمل خير ولا عملت شر لو ماشى فالشارع و لقيت واحد رحت مطلع مليون جنيه و اديتهمله ابقى عملت خير لو مدتوش فلوس يبقى لا عملت خير ولا عملت شر لو سرقت فلوسه يبقى عملت شر لو مسرقتش فلوسه يبقى لا عملت خير ولا عملت شر يبقى كدا موضوع الله مخلقش الشر طلع مش مظبوط و الله خلق الشر