لو جيت قسمت موضوع المعجزات هتلاقى 97% من المعجزات دى هى مجرد انك سمعت او قالولك او اتقال او بيحكوا عن او قالوا زمان او اتكتب
– ومعنى كلامى طبعا ان مفيش حاجه عمليه حلصت معاك اتأكدت منها ولكن كل الموضوع حكايات وفى الغالب دى بتكون علشان ياخد شخص مدح و كرامه باعتباره قديس او بيحصله معجزات او عمليات نصب علشان يتربحوا ناس من وراك بشكل من الاشكال مقدرش انسى ان مره كاهن طلع و قال للناس ان القديس ابو سيفين ظهرله و قال: ابو سيفين زعلان منكم ، و بيقولى ان محدش بيتشفع بيه ولا بيندرله نذور و لا حد بيطلبه ولما تيجى تدور ورا الموضوع تلاقى ان الكاهن دا فالقرية بتاعته كنيسة باسم مارجرجس مشهورة و محدش بيروح عنده الكنيسه ولا حد بيحط عطاء او فلوس للكنيسة ولا حد بيندر ندر وبالتالى مفيش فلوس جاياله ، فيعمل ايه ، عمل القصة دى فحين ان حصل معاك موقف مش مفهوم ايه سببه او حاجه مش عارفها ،، المفروض انك تقول مش عارف ايه دا ، لكن اللى بيحصل انك بتقول ان دا الاله فلان او حاجه من طرف الاه فلان و بتفسر دا بكلام من دماغك خالص بلا دليل فحين ان المفروض تقول مش عارف و يمكن بعد شوية وقت تعرف و هيتبقى عندك من ال 97% اللى اتسمعوا بس 3% ودول ممكن تكون مواقف اتعرضت ليها بنفسك او حصلت معاك اول 1% – هتلاقيه بيتلخص فالتخمينات والموضوع دا بيتكرر كتير – تلاقى واحد يقولك ان كنت فى الموقف الفلانى و حاجه جوايا قالتلى اعمل كذا و بعد ما عملت كدا لقيت انى لو معملتش الحاجه دى كانت الدنيا خربت – وبالتالى الله هو اللى نجدنى و قاللى اعمل كدا و الموقف دا فيه حاجتين – ان الانسان دايما بيفتكر تخميناته اللى بتحص و بينسى التخمينات اللى محصلتش – يعنى ناس تضحك جامد و بعدين يقولوا اللهم اجعله خير ( طبعا دا لان فى اعتقادشائع عند الناس ان بعد الضحك الكتير بتيجى مشاكل) المهم – لو حصل موقف وحش فعلا بعد الضحك كدا تلاقى الناس تقولك ايوه احنا كنا حاسيين ان دا هيحصل ، قلبنا كان حاسس ان فى حاجه وحشه هتيجى و تلاقى اى حد ان عنده مغص ولا اسهال من اللى قاعدين يقولك انا كان قلبى مقبوض و حاسس بحاجه غلط (وطبعا بيقول كدا مش بس علشان هوعايز يخش الحمام ، لا دا بيقول كدا علشان ياخد مجد فعيون الحاضرين انه انسان حساس و فيه شىء لله وكدا ) طيب لو محصلش حاجه بعد الضحك الكتير – كل اللى كانوا قاعدين ينسوا انهم قالوا اللهم اجعله خير و يروحوا بيوتهم و تمشى الحياه تانى نقطة فى موضوع التخمين – انك لازم تعرف ان قدرات عقلك كبيره جدا جدا و انت فالغالب مبتكونش عارف دا ،، يعنى تمشى فالشارع و تقابل واحد فتلاقى حاجه جواك بتقولك ان الراجل دا نصاب ، ويطلع نصاب فعلاً فتقول يا سلااام ربنا عرفنى انه نصاب مع انه مش باين عليه الحقيقة ان عقلك بيخزن معلومات كتير من غير ما انت تدرك دا يعنى عقلك بيفهم حاجات بمعادلات بسيطة بس فالغالب انت مش بتكون عارف دا يعنى مثلا عقلك بيقرا حاجه اسمها البدى