هنحى عن ظلم المرأة فالاديان و قبل ما نحكى عن ظلم المرأة فالاديان لازم نعرف ايه وضع المرأة زمان و بعدين نحكى عن ظلم المجتمع ليها و اخر حاجه هنحكى بقى عن نظرة الاله للمرأة و ظلمه ليها وتأكيده على الموافقة على ظلمها
و دا بنصوص الكتب اللى بيقولوا عليها مقدسة زمان جدا كان الانسان البدائى بينظر للمرأة انها واهبة الحياه لانه بيشوفها بتنجب الاطفال و بتعطيهم الحياه و مكنش الذكر يعرف انه مسئول عن التخصيب فتلاقى عندك عصر اسمه العصر الامومى – المرأة فيه كانت كل شىء – كانت المرأة هى اللى بتختار الذكر الاقوى و كانت المرأة هى القائدة و كان الطفل بينسب لامه وغيرها كتير من المزايا للمرأة مش بس كدا –دا كمان تطورت الفكرة للعصور بعد كدا لدرجة ان اصبحت المرأة هى الاله فى ديانات كتير قديمة – مرورا بالالهه انكى اللى خلقت البشر و نن تى اله الشفاء و عشتار الهة الخصوبة وابسو الهة المياه العذبة و تعامت الهة المياه المالحة وفى الهندوسية : ساراسواتي الهة الفن و لاكشمي الهة الحظ و الثروة و اوشا الهة الفجر و راترى الهة الظلام و اديتى ام الالهة و بريتفى ام الارض و راتى الهة الجنس و شاستى الهة حراسة الطفولة وفى الرومانيه جونو الهة السماء و القمر ومينرفا الهة الطب و الشعر و الحكمة و ديانا ام الحيوانات المتوحشة و الغابات و فينوس الهة الجمال واليونانية : اثينا الهة الحكمة و افروديت الهة الجمال و اريس الهة الحرب وهيرا الهة الزواج و الانتقام هيرميس الهة السفر و غيرهم كتير جدا من الالهه الاناث لكن طبعا الوضع مفضلش كدا وكانت بداية هبوط مكانت المرأة من ساعة ما عرف الذكر انه هو المسئول عن التخصيب و انه يمتاز عنها بأنه الاقوى ، زود الموضوع بقى لما ابتدى كل ذكر يحوط قطعة من الارض و تبقى بتاعته و ملكه و هو اللى يزرعها و يستفاد من محصولها – لان المرأة علشان تاكل – كانت تلتصق برجل – وكان الجنس مقابل الغذاء و دا يعتبر او مفهوم للدعارة فالتاريخ و اصبح بذلك الرجل الاقوى و الذى يمتلك ارض اكبر تلتصق بيه اكثر من امرأة – من هنا اصبحت المرأة مملوكة و لما يحب الرجل يهادى رجل اخر – فيهاديه بأمرأة من اللى عنده ودخلنا بقى فى قصة العبودية و الرق و الجوارى و الخدم الخ ولما كتب كبار القبائل الدين – وضعوا كل تفسيرهم و تعريفهم و ثقافتهم عن المرأة فالاديان واحب اقول نقطة مهمة على الهامش ان ايه سبب تحريم الجنس فالاديان
