النهاردة هنحكى عن فكرة الصنمية زى ما قلنا ان الانسان البدائى كان عنده اسئله و كان عاوزلها اجابه و كان بيخاف من الطبيعة و من الامراض
– فابتدى مثلا يشوف التمساح يلاقيه اله قاتله حيوان قاتل و مش لاقى معاه حل – لانه بياكل البشر و مع ذلك ضهره ناشف جدا بالحراشيف فالاسلحة البدائية مش بتأثر فيه – فراح عمل تمساح على شكل تمساح و ابتدى يتوسل ليه انه ميأذيش البشر و عمله اله الشر و ابتدى يقنع باقى الناس انها لازم تتعبدله و انهم لازم يقدموا قرابين ليه – وطبعا بكدا ابتدى يلم بقى عطايا – و طبعا الكهنة بتوع الاله التمساح مش هيطلعوا غلطانين – لو التمساح كان عايش جوه الماية و كله تمام – يبقى فل الاه راضى عنكم – ولو موسم تزاوج و كدا و التمساح عالشاطىء و بياكل بشر بقى – يبقى الاله غضبان و زودوا قرابين – وهكذا بس اللى الناس متعرفوش – ان اللى بيعبد الصنم دا ، هو مش بيعبد الصنم نفسه – يعنى مش بيعبد الحجرة دى –لا دا بيعبد القوة الهائلة الخفية الخارقة اللى للحجرة دى – اللى هو مش معاه دليل خالص عليها .. والمؤمنين بيستهذئوا بقى بيه ويقولك يا عمى دا بيعبد الصنم – لكن احنا بنعبد الاله الحى انا بقى عاوز اعرف يعنى ايه اله حى ؟؟ ايه الفرق بين الله الحى و الصنم ، راجع معايا كدا الفرق بين الاله الحى و هل الله دا بياكل – لا ولا الصنم بياكل– هل الله دا بيشرب – لا ولا الصنم بيشرب – دا بيسمع ؟ المؤمن هيقولك اه و اللى بيعبد الصنم هيقول اه – طب نعرف انه بيسمع اولا – اكيد من الاستجابة – طيب هل دا بيستجيب ؟ يقولك ساعات و ساعات هو عنده حكمة و يعرف امتى يستجيب و امتى لأ ..تسئل التانى يقولك كدا برضو يعنى الناس تصلى – و تشتغل تعمل حاجتها و لونجحت واتحققت يبقى الله حققهالها لو متحققتش و فشل الانسان يبقى الله مش رايد وماشية الدنيا على كدا يعنى تلاقى واحد بعد ما يخلص اكل يقول الحمد لله – فتسألة بتحمد الله عى ايه ؟ دا انت اللى نزلت و اشتريت الاكل و طبخت و جهزت علشان تاكل – فيقولك ما هو ربنا اللى بعتلى الفلوس علشان اشترى و اكل – تقوله بعتلك الفلوس ايه ؟؟مش انت اللى اشتغلت و عرقت و تعبت علشان تاخد الفلوس دى ؟؟ فيقولك ما هو ربنا اللى بعتلى الشغل دا . فتقوله بعتلك ايه ؟ مش انت اللى دورت على الشغل دا و بعتت سى فى و عملت مقابله و نتيجة انك تصلح للشغل دا انت اشتغلت ؟؟ وهكذ و هكذا .. لكن الله ده عمل ايه ؟ متلاقيش تسأل اللى بيعبد الصنم هل عندك دليل على قوة الهك او صحة كلامك ؟ لا ولا اللى بيعبد الاله الحى عنده .