النهاردة هنحكى عن تعارض الدين مع العلم وطبعا دا موضوع مهم لان اغلب الناس المؤمنة بالدين فاكرة ان الدين دا كلام الله و الله مبيغلطتش و انه اكيد عارف كل تفاصيل الحياه والكون و بالتالى اكيد كلامه
لكن الحقيقة ان الناس دى بتتصدم لما تعرف ان الكتب اللى بيسموها كتب مقدسة فيها اخطاء علمية و تاريخية و فلسفية و غيرها كتير من الاخطاء لكن طبعا الاخطاء العلمية بتون اشد صدمة من غيرها لانها علم ، يعنى حاجات خاضعة للتجربة و البرهان او مثبتة بلدليل .. وقبل ما احكيلكم عن الاخطاء العلمية الموجودة ، احب افوت الفرصة على الناس المخادعين اللى بيحاولوا يجملوا شكل الدين علشان يفضل الدين موجود و يتكسبوا من وراه بعض الناس المفسرين للدين او رجال الدين لما وجد تضاد بين الدين و العلم ، لجاء لفكرة غريبة و اللى هى – يقولك الكب المفدسة مش كتب علم دى كتب دين ، فمتسألهاش عن العلم ولا تاخد منها علم ، تسألها عن الدين و تاخد منها الدين . ياسلااام – دلوقتى مبقتش كتب علم !! طب طالما هى مش كتب علم ، امال حشرت نفسها فالعم و حكت عنه ليه ؟؟ وسيادتك مش انت شايف ان كتابك دا نازل وحى او كتبوه اناس الله الصالحين مسوقين بالروح القدس .. طب هو الوحى بيغلط ولا الهك مكانش يعرف ؟؟ الروح القدس كان نايم شوية وقت الاخطاء العلمية دى ولا برضو مكانش يعرف ؟؟؟ فكتابك مسئول عن الاخطاء العلمية الموجودة فيه — وقبل ما نقول ايه هو التعارض ، لازم نعرف ايه الفرق بين العلم و الدين العلم بيقول كلام – موجود عليه اثبات او دليل – يعنى علشان العلم يقول شىء لازم يكون معاه دليل – يقدر يتثبتلك بالتجربة و البرهان – يعنى لما العلم يقولك ان الماية بتكون من ذرتين هيدروجين و ذرة اوكسوجين يقدر يوريك كدا يقدر يثبتلك كدا – لكن مش بيألف بمزاجه المايه تتكون من ايه – يعنى العلم بيشوف المعطيات و بيوصل منها لنتيجة مش بيالف من دماغه كلام – معاه دليل معاه برهان على كلامه ودا عكس الدين تماما – و اللى هو ناس شافت حاجات فالحياه ومعتقدين انها صحيحة فكتبوا عنها ، او حتى ناس ألفت كلام و قالته من غير اى اثبات علمى عليه – يعنى حد بيقول نتايج بدون ما يكون عندهم معطيات اصلاً – وكمان لما بييجى العلم و يشوف المعطيات دى – بيلاقى ان المعطيات مش صحيحة و كمان النتيجة المستنتجة غير صحيحة ولذلك مينفعش اقولك العلم بيقول كذا فتقولى لا مش مقتنع بالكلام دا ,, لانك هتبقى زى واحد بنقوله ان الارض بتدور و مش ثابته فيقولى لا مش مقتنع بالكلام دا .. مع كامل احترامى لشخصك